Vil du jobbe med teknologi som bidreg til å redde liv? Helse Vest IKT har jobbmoglegheiter over heile Vestlandet. Hos oss vil du møte eit framtidsretta miljø, med variert erfaring og kompetanse, som kontinuerleg samarbeider med sjukehusa for å hjelpe dei med innovative arbeidsmåtar.
– I dag kan vi få direktevideo frå skadestaden, vi kan dele informasjon i sanntid med ambulanse, politi og brann, og ambulansen kan sende hjartedata direkte til akuttmottaket.
I Helse Vest IKT har vi konsulentar og rådgivarar med variert bakgrunn. Ein stor del av våre medarbeidarar er erfarne rådgjevarar innan IKT eller helse. Mange kjem frå helsesektoren med ønskje om å forbetre pasientbehandling gjennom nye IKT-løysingar. I tillegg har vi medarbeidarar som er nyutdanna og kjem frå høgskule eller universitet. Fagleg utvikling for enkeltpersonar og selskapet står sentralt.
– Den tydelege forpliktinga vi har til å fremje kvalitetstenester for helsetenesta er det som inspirerer meg mest i kvardagen. Og så kollegaer, då! Eg har ufatteleg mange høve til å utvikle meg fagleg, alltid med god støtte frå leiarar.
I Helse Vest IKT har vi jobbmoglegheiter over heile Vestlandet. Medarbeidarane våre er fordelt mellom Førde, Bergen Haugesund og Stavanger. Vi har òg mindre avdelingskontor på Voss, Odda, og Stord. Bli betre kjent med våre dyktige kollegaer, les om nokre av våre tenester og prosjekt, og søk jobb hos oss.