System- og informasjonsforvalting

– Vi skal vere ein tydeleg og påliteleg samarbeidspartnar, og arbeide systematisk for å styrkje både kvaliteten i leveransane og evna til å gjennomføre forbetringar og modernisering, seier divisjonsleiar Terje Bakkelund.

Tydelige prioriteringar og tett samspel

System- og informasjonsforvaltning har ei sentral rolle i å sikre god samanheng mellom drift, forvaltning og utvikling av løysingar. Gjennom tydelege prioriteringar og tett samspel med helseføretaka skal divisjonen medverke til effektive og berekraftige tenester med høg kvalitet, god tilgjengelegheit og sterk informasjonstryggleik.

Divisjonen arbeider kontinuerleg med forbetring og modernisering, samstundes som han utviklar robuste fagmiljø med rom for læring, deling og samarbeid. Målet er å styrkje gjennomføringsevna og leggje til rette for heilskaplege leveransar som møter både dagens behov og morgondagens utfordringar.