Pasientens prøvesvar - manuell aktivering

For enkelte rekvirentar er Pasientens prøvesvar sett opp med manuell aktivering. Det betyr at rekvirenten sjølv må aktivere knappen «Pasientens prøvesvar» i Interactor for at prøvesvara skal delast nasjonalt.

Når knappen blir aktivert, blir prøvesvara delte i samsvar med gjeldande reglar for deling i Kjernejournal og på Helsenorge. Rekvirenten kan samtidig gjere individuelle val for den enkelte rekvisisjonen, mellom anna knytte til reservasjon, føremål og utsett eller nekta innsyn.

Dette oppsettet er valt for legekontor og andre kommunale tenester der legar også rekvirerer prøver i samband med arbeid ved til dømes sjukeheim, helsestasjon og legevakt. 

Rekvirentar som deltek i Pasientens prøvesvar, får tilgang til eigne felt i Interactor. Her kan du styre om prøvesvara skal delast, kva som er føremålet med rekvisisjonen, og når prøvesvara skal bli tilgjengelege for pasienten og anna helsepersonell.

Standardinnstillingar

Interactor er sett opp med standardinnstillingar som automatisk blir brukte når du rekvirerer prøvar. Du treng ikkje å endre desse dersom standardinnstillingane er tilstrekkelege.

Standardinnstillingane er:

• 0 dagar utsett innsyn: Dei aller fleste prøvesvara
• 14 dagar utsett innsyn: Tumormarkørar, patologisvar, radiologisvar og nuklærmedisin.
• 90 dagar utsett innsyn: Andre analysar innan medisinsk genetikk.

Ei fullstendig oversikt over når ulike prøvesvar blir tilgjengelege for pasientar, finn du på Norsk helsenett si nettside om utsett innsyn for innbyggjarar på Helsenorge.

Innstillingar for deling av prøvesvar

Når du rekvirerer prøvar i Interactor, finn du innstillingane for Pasientens prøvesvar ved å utvide feltet under menyen med arkfaner.

Her kan du styre følgjande:

Føremål med rekvisisjonen

• Helsehjelp
• Blodgivarprøve - blir ikkje delt
• Rettsmedisinsk prøve - blir ikkje delt
• Sanksjonær prøve - blir ikkje delt
• Forsking - blir ikkje delt
• Livsstilsføremål - blir ikkje delt

Reservasjon mot nasjonal deling

Her kan du registrere dersom pasienten ønskjer å reservere seg mot nasjonal deling.

Reservasjonen gjeld berre for den aktuelle rekvisisjonen.

• Ingen reservasjon
• Reservasjon - blir ikkje delt

Innsyn for pasienten

• Standard utsetjing: Prøvesvara blir delte etter reglane som er skildra ovanfor.
• Tilgjengeleg umiddelbart: Prøvesvaret blir gjort tilgjengeleg for pasienten samstundes som rekvirenten.
• Nekta innsyn – fare for liv: Prøvesvaret blir ikkje delt med pasienten, men blir delt i kjernejournal.
• Nekta innsyn – klart utilrådeleg: Prøvesvaret blir ikkje delt med pasienten, men blir delt i Kjernejournal.
• Nekta innsyn – etter eige ønske: Prøvesvaret blir ikkje delt med pasienten, men blir delt i Kjernejournal.
• Utsett innsyn for innbyggjar: Her vel de sjølv talet på dagar med utsetjing. Merk at denne innstillinga overstyrer eventuell standard utsetjing på 14 eller 90 dagar for dei aktuelle analysane.

Endringar du gjer gjeld berre den aktuelle rekvisisjonen.

Det er berre prøvesvar frå rekvirentar som deltek i Pasientens prøvesvar, som blir delte.

Elektronisk rekvirerte prøver

I Helse Vest blir prøvesvar frå dei fleste fagområda delte. Dette gjeld: 

• Biokjemi
• Mikrobiologi
• Farmakologi
• Immunologi
• Transfusjonsmedisin*
• Patologi (berre cytologi)
• Bildediagnostikk (radiologi og nukleærmedisin)

*Prøvesvar frå transfusjonsmedisin i Helse Bergen blir delte frå hausten 2026. 

Det pågår eit nasjonalt arbeid med å inkludere andre patologisvar (histologi og molekylærpatologi) og svar frå medisinsk genetikk. Desse blir tilgjengelege når vising i Kjernejournal og Helsenorge er klar.

Papirrekvisisjonar

Det pågår arbeid med tekniske og praktiske løysingar for å gjere det mogleg å dele prøvesvar rekvirerte på papirrekvisisjonar.

Hausten 2025 starta ei utprøving med deling av prøvesvar frå papirrekvisisjonar for porfyrisjukdommar. Hausten 2026 blir utprøvinga utvida til å omfatte fleire papirrekvisisjonar frå andre fagområde.